منــــــــــــــيرة وفرنـــــــــسااااااا

**قصه منيره والفرنسي**

القصه تحححفه أنا لما قرأتها مت ضحك

> قرر الأب إذا نجحوا كل عياله يوديهم في الصيف لفرنسا... انبسطت منيرة
> مرة لما سمعت هالخبر... لأنه صار لهم زمان ما سافروا... من أربع سنين
> أو خمس... المهم شدت البنت حيلها في المذاكرة وأخوانها زيها... وجت
> نهاية السنة
> ونجحوا كلهم وسافر بهم أبوهم مثل ما واعدهم... كانت منيرة مبسوطة بس
> في شي منكد عليها كل السفرة... ومخلي الأخلاق في النازل... أبوها شرط
> عليها ما تشيل العباية... يا عباية يا ما في سفر... رضت منيرة لأبوها
> راحت بالعباية والطرحة محجبة بس ... البنت أول مرة
> تسافر بعد ما كبرت... كانت ماخذة راحتها أول... لكن دحين خلاص (البنات
> كبرت)... اتمشوا وراحوا وجو وما خلوا قرنة في باريس ما طبو فيها...
> المهم العيال يزنّوا على أبوهم يبغو شاطئ علشان يسبحوا... ونزلت الطامة الكبرى
> على منيرة!!!... كيف تروح لشاطئ بعبايتها؟!... كيف تشوف أخوانها
> يسبحو وهي لأ؟!!... طبعا ما لها إلا تستسلم وتروح معاهم... راحت
> خويتنا وهي مصنقرة... وبينما العيال يسبحو ويمرحو (الله يفكهم من شر
> عينها) راحت هي على جنب وقعدت لحالها من زين الأخلاق (خبركم راكبتها أم
> العبيد)... وقامت تتحنس بخلق الله... وبينما هي كذلك (حلوة قلبت فصحى)
> لمحت ذاك الشاب الفرنسي اللي مووووووووت... يجنننننننننن
> طوييييل...ووسيييييم... وجسمه عضلااات... ولونه برونز (لابس مايوه)
> وشعره متروس جل... ولابس ديك النظارة الشمسية الماركة... طالعها هوا
> وابتسم... بغى يغمى عليها يوم شافت صفت اسنانه... ابتسمت هي التانية...
> قام ومن باب الميانة قرب قرب قرب لين انطق جنبها... هيا اسالوا عن حالها
> مسيكينة... منسبهة... متنحة... وفي نفس الوقت مستحية... وكمان متوهقة
> خايفة يشوفها أبوها تكلم ذا الاطخم يقوم يسفرها لبلادها دايركت ... التفت
> عليها أبو الشباب وانفلت بالهرج... طبعا هي ثور الله في برسيمه ما تدبر
> وش هو قاعد يرطن... هو شافها توزع هالابتسامات عرف إنو ما عندها دبرة...
> قام سألها:
>
?do you speak English ...
> هو سأل ولا ما سأل بغت تبوس راسه البنية...
> على طول يييييس...
> ودار بينهما الحوار التالي:
> أبو الشباب: أنتي من فين شكلك مو فرنسية (أنواع المجاملة اجل هذا شكل
> فرنسية تتشمس بعبايتها؟!)
> منيرة: أنا من المملكة العربية السعودية ( طبعا
> لا تنسو إن كل دا الهرج بالانجلش.
> أبو الشباب: (وهو متحمس) كيف وصلتو
> هنا؟
> منيرة: وصلنا من كم يوم عادي.!
> أبو الشباب: بس كيف عبرتو البحر؟
> منيرة: أي بحر ما مرينا على أي بحر رحلتنا كانت دايركت من الرياض لباريس.
> أبو الشباب: (مستغرب) يعني ما جيتو على بعارين؟؟!!
> منيرة: (كن احد مدغدغها) أي بعارين انت تمزح جايين بطيارة لا
> بالجديدة كمان أم شاشات ( قامت توري انها متطورة وحركااات)
> أبو الشباب: عندكم طيارات؟؟
> منيرة: إيوه عندنا ليش ايش فاكرنا؟؟
> ابوالشباب: أنا اللي اعرفو عن السعودية إنها صحراء قاحلة والناس
> يتنقلو فيها بالجمال والحريم يركبو وهُمّه متغطين على الجمال والرجال
> شايلين وراهم براميل البترول...!!! الخ
> منيرة: فين يا عمي ايش دا إحنا عندنا كل وسائل التكنولوجيا في
> بلادنا... سيارات وطيارات وكمبيوترات وموبايلات(عاد أهم شي) وانترنت
> والشوارع متطورة وترى عندنا فيصلية ومملكة
> (هادي مو احسنلها تنطق تقابل فيصليتها ولا تفشلنا برى؟!)
> - أبو الشباب: اجل آسف أنا فاهم شي الواقع طلع شي أخر، بس انتي ليه ما
> تسبحي؟
> منيرة: ماقدر اسبح لأني محجبة
> ابو الشباب: اشوا انتي مو منهم؟
> منيرة: من مين؟؟
> أبو الشباب: اللي متشوهين
> منيرة: أي متشوهين؟؟؟؟!!!!
> أبو الشباب: الحريم اللي يغطو وجيههم عندكم متشوهين صح؟
> منيرة: لا طبعا أي متشوهين الموضوع مو تغطية بس ديننا هو اللي فرض
> علينا كدا درءاً للفتن (أبو الفلسفة) أنا هناك أغطي وجهي مثلا أنت
> شايفني مشوهة؟
> ابوالشباب: لا أبدا أنتي جميلة ولونك حلو، بس مو حرام جميلات زيكم
> يضطهدون؟
> منيرة: ليه يطصدو... يظهدون... يظطهون...المهم اللي هي من قال إنو
> إحنا كدا؟؟؟
> أبو الشباب: مثلا ممنوعين من السواقة
> منيرة : مين قال لك إن إحنا أصلا نبغى نسوق
> كل حرمة وبنت لها سواقها
> الخاص اذا حتسوق ليه
> أبو الشباب: طيب ما يقبلوكم في أي وظيفة بس التدريس صح؟
> منيرة: الدولة الله يعزها ما توظف بناتها إلا في وظايف تناسب قدراتها
> بس موبس تدريس
> البنت السعودية طبيبة وصيدلانية وسيدة أعمال وموظفة
> حكومية بس الأغلب في قطاع التربية لأنه هو الأقرب لطبيعة البنات.
> ابوالشباب: بس مانعينكم عن المناصب الكبيرة مخلينها للرجال بس في دي
> لا تقولي لا
> منيرة: ( أخذتها العزة بالإثم وقامت تألف) من قال كدا أصلا أنت ماخد
> فكرة مرة سيئة عننا المراة تتقلد مناصب كبيرة حتى أنا بالامارة و خالتي
> وزيرة.
> أبو الشباب: متأكدة؟ أنا اعرف إنو السعودية ما فيها حريم في حكومتها
> منيرة: كل معلوماتك غلط قلتلك خالتي وزيرة
> أبو الشباب: شكرا على تصحيحك لمعلوماتي وبهادي المناسبة أنا عازمك الليلة
> على خروجة (قلط أبو
> الشباب)
> منيرة: فين عازمني؟(متشققة)
> أبو الشباب: فيه بار جنب بيتنا أمرك ونروح له
> منيرة: فيييييين إحنا ما عندنا هادي الشغلات إحنا مو حقون بارات ديننا
> محرم علينا الشرب والرقص والاختلاط والتبرج أولا وبعدين حرام نطلع أنا
> وانت لوحدنا هادي تسمى خلوة
> أبو الشباب: يعني ايش خلوة؟؟
> منيرة: يعني بنت وولد ما يعرفو بعض ولا محرم لها يجلسو في مكان
> لوحدهم
> ابوالشباب: طيب وأنتي دحين قاعدة معايا هادي مهي خلوة؟
> منيرة: لا هذا مكان عام ما فيه حواجز ومليان ناس
> ابوالشباب: عالعموم أنا اكرر عزيمتي
> منيرة: وأنا اكرر رفضي
> أبو الشباب: ترى إذا قمت ما تغيري رأيك
> منيرة: لا ابدا
> قام أبو الشباب ومشى خطوتين وبعدين رجع لمنيرة وهي على جلستها وانحنى
> عليها ونزل نظارته على طرف خشمه وطالعها بعيونه وقالها
> بالسعودي:
> اجل خالتك وزيرة هاااه؟؟؟!!! لكل بنت سواق وعديتها لك بمزاجي.. لكن خالتك وزيره هذي قوييية...
> ههههههههههـ والله مسكيييينه منييرة